国际球坛传奇、伊布虽已挂靴，但状态依然好fit！继早前喺尖沙咀海旁轻松跑步展现惊人活力后，前日 (7月26日) 呢位一代神锋更到访昂坪360，以行动证明佢“神一样的男人”绝非浪得虚名！

▲国际球坛传奇伊巴谦莫域访昂坪360。

伊巴选择咗全景缆车登顶，欣赏透明车厢外嘅大屿山绝景。伊巴明显气定神闲，巨星风范出晒嚟！

嚟到天坛大佛脚下嘅 268级长命楼梯，正当大家以为佢会慢慢行上去时……伊巴喺最后廿级用轻盈小跑冲上平台，再360度旋转面向镜头拍摄IG Story，对住镜头喺大佛面前露出招牌自信笑容！

名人+1！ 继欧阳万成后 连神锋都拣昂坪360

昂坪360一直系名人体验大屿山文化同美景嘅热门选择！早前美国华裔栋笃笑喜剧演员欧阳万成亦都选择专程到昂坪360体验全景缆车同探索昂坪市集。

今次香港足球盛会为香港带来唔少外国名人到访，除咗神锋伊巴，慕名而来睇波嘅花式足球员Yonna亦到有到访昂坪360，仲即席喺全景缆车表演花式足球，证明昂坪360嘅体验够晒“星”级，无论系想轻松观光定挑战自我嘅名人同旅客都啱晒！

以上内容归星岛新闻集团所有，未经许可不得擅自转载引用。