一对港人夫妇早前到深圳足浴，惨堕脱鸡眼骗局。苦主自嘲是“水鱼”，好心在网上发文爆出这宗瘀事警世，指夫妇两人在店内被两名大叔合力夸张脱走共60粒“鸡眼”，收取共5500港元（4800元人民币）的天价费用。

楼主：深圳脱鸡眼中伏

楼主昨天（5日）在社交平台Threads以“深圳脱鸡眼中伏事件”为题发帖自爆瘀事——“与太太在商场内想脚底按摩（60元人民币），来了两名大叔，各放下小胶盆，有半盆不热的水浸脚，跟着帮我们切脚皮（免费）。

楼主续详细讲述对方的套路，指“（大叔）之后就话有好大粒鸡眼，问脱唔脱？太太又有需要，就答应80元人民币一粒”。

说到重点时楼主称“他们没有说有多少粒鸡眼，只系用一个家用的夹餸夹+小刀，忙碌地在左右脚板底地干，再加上黑色的消毒液，再拍照数完成多少”。

楼主：我们每脚底各15粒共60粒

最终“我们每脚底各15粒，共60粒，他们收了钱走了（成功劏咗两条水鱼）”。

好数口的网民实时计数，指“共60粒？即系你俾咗$80（人民币） x 60（粒） = $4800（人民币，折合约5500港元）你俾咗人哋两个月人工了”。

楼主：只怪自己唔小心中伏

楼主在回应网民时补充，希望“唔好有下次”，并形容两位大叔为骗子，称“边有咁多鸡眼，骗子搵借口呃钱”、“两个骗子，他们只系用刀割了脚皮，就话鸡眼”、“两个骗子，冇恐吓，冇要挟，只系话好多，造完先话每只脚造咗15粒，只怪自己唔小心，中伏”。

楼主表明发帖原因是“我自己喺度讲啲咁瘀嘢，都系想大家小心骗子”，并透露“骗子仲话我有灰甲，我坚持话冇，损失小啲”。

因应这宗脱鸡眼“劏客”事件，不少网民对于“每只脚板底有15粒鸡眼”的说法表示感到震惊和难以置信。有人直言“谂起个画面都几恐怖／核突”、“咁多粒。。。八爪鱼夫妇！”。

网民：有15粒鸡眼一早痛到行唔到

另有网民质疑“鸡眼最多咪两粒，每脚15粒，你嗰啲唔系鸡眼，系生大疮”、“生一粒都行唔到点样可以生到15粒？你话你生香港脚有15粒水泡都有说服力啲”、“成只脚有15粒行路个人都高2CM（厘米）”、“你哋系应该去申请健力士纪录，而唔系脱咗佢”。

有人坦言“真系有咁多粒鸡眼嘅话仲出到街咩”、“如果你每只脚底都有15粒鸡眼你一早痛到行唔到”、“两对脚共60粒？每对脚6粒都痛到上唔到深圳！好明显劏死牛！咁狼死！！！”、“一粒都痛死啦 点可能有30粒啊”、“一只脚底15粒鸡眼你哋仲可以行路嘅？”。

网民多谢提醒支持讲出嚟

部分网民对事主遇骗表示同情，但也有人提醒“你连自己脚板有几多粒鸡眼都唔知，抵俾人呃啦”、“两个骗子遇上两个傻子”。

有人则力挺楼主，称“如果脚有15粒鸡眼应该行路都好痛，不过都多谢你分享，因为骗案嘅手法真系层出不穷”、“支持楼主讲出嚟，等其他人唔会中伏”、“多谢提醒”。

网民：15年前中过招 收咗$2000

此外，有网民分享了类似经历，表示“15年前中过招，收咗我$2000”，也有人提到“之前去深圳整指甲又系撞到对面两个香港人（两父子傻下傻下蠢蠢地咁款），挑鸡眼挑到8000蚊埋单。点解会肯俾钱㗎？8000蚊挑一世都唔使呢个价钱啦”。

不过有人则遇上好事，称“之前同老母去都遇过......但讲价讲到$¥10一粒，脱咗一次再生佢话包我老母半年任脱，但我老母脱咗十几粒话行路无再痛！”。

资料来源：yungwaikwokbob＠Threads

以上内容归星岛新闻集团所有，未经许可不得擅自转载引用。