名媛蔡天凤前年遭肢解碎尸，事后前夫邝港智三父子被控谋杀罪。前家姑李瑞香今日则于区域法院否认1项妨碍司法公正罪开审，控方传召蔡天凤母亲张燕花出庭作供。张燕花交代与邝家关系“好好”，自2014年已知道邝港智“偷金嗰单嘢”。前年蔡天凤失去联络当晚，张燕花报案时，邝港智来电责骂“仆X啦，报警都唔通知我，点解要报警”，张燕花回应“阿女（一向）好有交带，你全家人都好似唔关心咁‘冇事㗎冇事㗎’”。

被告庭上见蔡母作供时落泪

控方传召蔡天凤母亲张燕花出庭作供，张燕花在庭上辨认被告李瑞香时，被告不禁落泪。张燕花操带口音广东话，交代自己生于海南，于内地读毕中学，1994年来港，同年诞下长女蔡天凤，蔡天凤自小在香港接受教育。张燕花忆述蔡天凤2010年左右认识邝港智，2年后结婚，先后产下1子1女，一家人同住于黄埔花园。张燕花交代与邝家关系“好好”，经常见面，邝蔡2人2017年离婚，子女由蔡天凤抚养，蔡天凤其后嫁予谭方骏，家庭经济环境充裕。蔡天凤其后斥资购买加多利山Kadooria某单位，供子女居住，2021年入伙，大厅厨房均设有闭路电视，具录音功能。

▲蔡天凤自小在香港接受教育。

邝港智得知蔡母报警后致电问罪

张燕花续指每天都会联络蔡天凤，前年2月21日下午2时45分最后一次微信通讯，之后蔡天凤再无回覆。张燕花其后一直有联络邝家，“‘你放心啦，成年人喇，会返来嘅，唔使急’⋯⋯成家都讲呢啲”。张燕花当晚10时许“觉得好奇怪”，于是联同蔡夫谭方骏报案，报案途中近午夜，邝港智来电问及自己去向，张燕花直言“而家报紧警”，邝港智随即责骂“仆X啦，报警都唔通知我，点解要报警”，张燕花回应指“你唔觉奇怪咩？阿女（一向）好有交带，你全家人都好似唔关心咁‘冇事㗎冇事㗎’”，遂切断通话。

被告来电提及绑架称怕绑匪收不到赎金会撕票

张燕花再致电邝港杰，对方称“佢饮醉酒24小时会返来，你做咩咁快报警呀？”被告李瑞香其后亦多次来电称“人哋要绑架惊收唔到赎金真係会出事会撕票呀⋯⋯你乜嘢都唔可以讲，你话你乜嘢都唔知”。

闭路电视显示李瑞香、邝港智兄弟等经常出入住所

庭上播放多段蔡天凤住所闭路电视片段，片段中可见镜头设于大门后，左边为饭厅，中间摆放八座大圆桌，上挂有水间吊灯；右边为客厅，放有梳化、茶几和椅子。控方播放多段日常作息片段，从中可见蔡天凤子女、邝港智兄弟、被告李瑞香和家佣经常在住所出入。

被告与蔡母电联提到与邝港智少接触

控方再播放2月23日下午闭路电视片段，片段显示被告李瑞香坐在梳化上倾电话，期间李瑞香提到被警察查问时“我窒佢呀嘛，查下佢（蔡天凤）咩时间失踪，唔係金钱呀，最重要查你个女而家喺边度，唔係查你个女身边嘅嘢”，又指“佢问我Alex以前做乜离婚七八年前，佢问呢啲係好多馀嘅问题”。李瑞香称当时向警方指“‘冇喎，（与邝港智）好少接触喎’，你明唔明我意思呀？我点答佢Alex啲嘢呀”。

李瑞香其后更指“我唔係识讲嘢呀，身有屎即係我即係话畀你听，你都知道Alex乜嘢事㗎啦”。张燕花今解释当日与李瑞香多番通电话，问及蔡天凤下落，李瑞香提到警方曾上门查问，当时李瑞香不理会警方，“叫我唔好管咁多嘢”。

被告：记得警方问你你乜嘢都话唔知喎

录音中李瑞香续指“Alex⋯⋯佢有事喺身，唔可以讲，佢都唔可以讲㗎，我都唔可以讲㗎”，“我知啲唔知啲，又惊你乱咁讲嘢，你记住冇嘢就得㗎喇”，“我哋唔同你呀，我哋要遮掩呀，因为阿细佬呀，你明唔明呀？但你哋唔使遮掩，係啱呀，所以即係而家冇话你错呀，係只不过我哋唔⋯⋯唔可以好似你咁样乜都讲呀”，“你记得喎，警方问你你乜嘢都话唔知喎⋯⋯你话冇同我个仔联络，你可以话冇㗎嘛，係唔係先”。

早年同住已知邝港智涉“偷金嗰单嘢”被要求“唔好讲”

张燕花今说明指2014年时与邝港智同住，自当时起已经知道邝港智“偷金嗰单嘢，叫我唔好讲⋯⋯唔好畀警察知道”，这些年来一直与邝港智有联络，李瑞香却要求自己回应警方时答“唔知道，冇联络”。其后张燕花在通话中曾话“阿女会唔会出咗事”，录音显示李瑞香一度称“大吉利是！谂呢啲嘢，你係咪傻咗呀⋯⋯你傻傻哋咁大个人谂呢啲嘢，你唔可以讲呢啲嘢㗎⋯⋯”

以上内容归星岛新闻集团所有，未经许可不得擅自转载引用。