出身于豪门的王贤志（Vinci）昨日（16日）惊爆亲自入禀高等法院呈请破产，他在社交平台留言说：“如果人生的不同阶段就有如天气一样，肯定我将要迎接一段严寒的日子，不过对于未来，我必定不会放弃，继续积极及坚强面对！谢谢！”消息曝光后，不少人对王贤志呈请破产一事感到震惊，纷纷在发文下留言并为他打气，深信“难关终会过去，雨过终会天晴。”

王贤志与伴侣周思聪（Kevin）相爱15年，两人2016年8月宣布于加拿大注册成合法配偶，娱乐圈首宗公开的同性婚姻。不过王贤志曾公开表示钟意过吴家乐：“我谂唔会唔知吓嘛，sense到嘅！”昨日吴家乐罕谈当年被公开示爱的经过，对于王贤志呈请破产一事，吴家乐说：“我之前都有少少消息知道。”

“50亿驸马”吴家乐昨晚在YouTube节目《娱乐好好玩》上，与主持江美仪和谢逊齐齐做节目，吴家乐称两人当年主持《K-100》而认识，江美仪即说：“所以你哋咪好friend囉！”吴家乐立煞有介事地说：“係‘认识’接近超过20年，我哋係‘同事’，你哋唔好将啲关係拉得太乱。不过我好欣赏呢个人做主持，佢记性好好，又有压台感。”对于王贤志呈请破产一事，吴家乐说：“听到呢单新闻係有啲可惜，但係呢单新闻出得叫迟。虽然我哋唔係好朋友，不过都识咗好耐，亦都係同事，大家都有啲ws群组。喺疫情之后都有啲聚会，听到少少佢喺出便都有啲‘街数’，我觉得唔奇，因为佢始终係靠自己。”

吴家乐续说：“几年前佢爸爸好似已经唔再帮佢找数，所以我相信搞呢个骚（仔仔一堂）都几吃力，係咪就係300万、400万呢个数呢？肯定唔係。话晒大家都係同行，都唔希望听到呢单新闻，希望佢尽快过度呢个寒冬。”

吴家乐重提被“公开示爱”一事

江美仪立即追问吴家乐被“公开示爱”一事，吴家乐说：“当时係佢帮自己嘅节目做宣传，我冇睇过呢单报道，不过前一晚佢突然係咁whatsapp我，话有搵我，有嘢想同我倾，正所谓无事不登三宝殿，一定有阴谋，我当然唔听住，跟住佢留言话‘有啲嘢想同我商量’，嗰吓我即刻怯一怯，第六灵感觉得唔係好嘢，所以我冇覆佢。到咗第二日我睇到呢单新闻，好多传媒send畀我睇，佢哋唔係问我回应，而係话好笑，咁都拉埋我落水。”

吴家乐认对被示爱嬲爆

吴家乐还说：“佢哋觉得我入行咁多年都冇呢啲新闻，摆明係有人想宣传自己嘅节目，咁样嚟送我一程，仲觉得咁多人唔讲，搵我嚟讲，直接啲讲我都冇新闻价值，呢单嘢之后，係几好笑，不过我真係嬲，嬲係讲完呢单访问先同我讲，再加上我点会感觉到你钟意我？搞着我，大家都唔信。就算宣传，冇所谓，同我夹一夹，我唔得咪搵第二个。”

以上内容归星岛新闻集团所有，未经许可不得擅自转载引用