TVB剧集《双生陌生人》中，饰演小律师嘅24岁前港姐季军郭柏妍(Rosita)，Crop Top配热裤扭动身体，随住音乐拍子擘髀、趷箩加扭Pat Pat，狂野大跳钢管舞相当好睇。上位“小花”Rosita坦言只要剧本适合，唔介意性感演出，仲话：“有啲布遮住就ok。”

A0的Rosita只想专注拍剧，拍拖唔谂住。

Rosita跳钢管舞表现好狂野。

Rosita在处女剧集《青春不要脸》中凭“阳光妹”清纯形象获赞，估唔到今次性感突破演出令人眼前一亮，尤其狂扭蛇腰，39吋长腿任睇，意态撩人好挑逗。原来Rosita第一次接触钢管舞：“虽然我本身有跳开舞，但钢管舞用嘅臂力比较多，原来有一定难度，因为唔识用力都搞到周身瘀伤。”作为新人嘅Rosita零包袱：“我愈嚟愈锺意做戏，只要角色啱，健康性感系冇问题。”她又表示冇性感底线，“有啲布遮住就ok。”

《双生陌生人》中郭柏妍演出令人眼前一亮。

跳钢管舞既性感又狂野。

Rosita凭《青春不要脸》中“阳光妹”清纯形象获赞。

荧幕初吻唔愿畀何广沛

对于被指系TVB上位小花，除咗较同届港姐谢嘉怡等多机会外，更打低苏皓儿演新剧《下流上车族》。Rosita谦称：“其实公司都力捧紧好多艺人，我都多谢公司畀机会，而我跟同届港姐会互相鼓励；至于演《下流》系由公司安排，其他嘢唔太清楚。”问到苏皓儿系咪最大劲敌？Rosita表示会欣赏每一个人，亦着重自己表现，希望有日好似马德钟一样演技咁出神入化。Rosita仲话拍《双生》时何广沛好照顾她，又教她走位，获益良多。问到未拍过咀戏嘅佢想唔想为何广沛献出荧幕初吻？她大笑说：“留畀下一套剧嘅男演员啦。”

28岁嘅苏皓儿同Rosita路线好相似。

Rosita跟同届港姐如谢嘉怡等好老友。

Rosita三围32、22、33，身形不错。

以上内容归星岛新闻集团所有，未经许可不得擅自转载引用。