林俊贤力撑女儿林钰洧讲性史:吹牛而已,又不是在大街上喊

2022-10-12 09:01

众所周知,本届港姐冠军,是80年代靓仔小生林俊贤的27岁女儿林钰洧,虽然她曾于ViuTV节目《对号入座》中大谈性史,获封为“性女港姐”,61岁的型男老爸就力撑囡囡不是豪放女,强调后生女有几个男朋友好正常:“佢只系吹水(吹牛),认吓叻啫!”林俊贤又称阿女现在修心养性,全心全意工作唔谂拍拖。至于宝贝女生活环境,他形容算系咁,比上不足比下有余,粉碎阿女卡数累累传言。

linn

▲跟林钰洧分开多年,直至10多年前透过互联网相认,林俊贤承诺会用行动及时间补偿囡囡的童年缺失。

linn1

▲林钰洧作风大胆,林俊贤明白每个人都会年少轻狂。

linn2

▲林钰洧曾于ViuTV节目《对号入座》中大谈性史,兴奋大赞“天蝎男”床技了得。

长期身在内地工作的林俊贤,一夜间突然做咗港姐爸爸,他被访问时坦言除开心外,亦有少少惊讶,笑言因为唔知阿女赢喺边度。不过,在娱圈工作36年的林俊贤看透世情:“赢咗港姐只系过程嚟啫,系一个好嘅机会扩阔圈子,学多啲嘢,以后有多啲选择做佢锺意嘅嘢,多谢TVB。”

阻止唔到人哋点睇囡囡

对于阿女当选后即被大起底,除公开谈性史作风大胆获封“性女港姐”,也被《星岛头条》揭她曾因三角恋,去情敌任职的名店踩场算帐,闹到情敌爆喊,对此,林俊贤认为都过咗去,但作为爸爸会提点佢:“现在身份唔同咗系代表香港人,要开始有啲顾忌。”他又为囡囡被封为“性女港姐”不平则鸣:“嗰个系年青人谈性嘅节目,类似当年嘅《今夜不设防》咁,都冇乜嘢呀,而佢处身喺嗰个环境,融入一班年青人嘅话题及圈子,会吹水炫耀自己点样巴闭,我都年青过,睇返转头其实20几岁有几个男朋友好正常,言论系咪大胆只系见仁见智,佢又冇喺街上用大声公讲。”

linn3

▲林俊贤指囡囡对演戏有激情,好想父女档上阵。

虽然力撑囡囡只系认吓叻,但林俊贤都会温提囡囡,“佢现在唔系细路仔想做乜就做乜,要用另一个层次去表达,唔好再应酬人去讲啲乜,呢点对佢嚟讲,当选港姐系有啲不完美,但唔算系遗憾,我唔知性女字眼系褒定贬?但都冇所谓啦,因为人哋点睇系阻止唔到嘅,正如我打篮球勇猛咗啲都会畀人评为粗鲁。

linn4

▲林钰洧拥有34D娇人身材。

心痛香港年青人大压力

林俊贤指囡囡曾经于纽约读过半年戏剧,对演戏有激情,亦有演戏细胞,是作为演员的基本条件,但寄语唔好得三分钟热度:“演戏唔好睇钱要锺意及坚持,经磨练及努力,必会有机会。”对于林钰洧被《东张西望》影到寓所好细,林俊贤肉赤香港的年青人承受好大压力,好似睇唔到将来,希望特首在房屋政策上畀心机做啲嘢,增加多啲公营房屋。追问囡囡生活环境又点?有冇畀家用孝敬他?林俊贤则说:“佢算系咁,比上不足比下有余啦,反而想佢多啲为社会做嘢,学啲钟意嘅嘢。”问到可会提醒阿女唔好沉迷拍拖?他即用爸爸腔说:“佢现在现在要学多啲嘢,要反馈社会,拍乜鬼拖呀!一拍就结婚啦,不过,我问过佢,知道佢谂住做嘢,现时冇男友。林俊贤都想拍港剧,笑言可以跟黎明拍部《男儿本色2.0》,也期望父女档演出。

linn5

▲林俊贤系80年代当红靓仔小生。

linn6

61岁林俊贤好好记性,睇完记者张图像相,对本报记者仲好有印象,反问:“我好似细个成日同你一齐㗎(访问),系咪?”

以上内容归星岛新闻集团所有,未经许可不得擅自转载引用。