▲喀麦隆教练桑治对球队嘅调整应记一功。Reuters

今届世界杯热门之一阿根廷喺有惊无险之下晋身16强，最后一场比赛以2:0战胜波兰，3战2胜得6分以首名出线。呢个结果对阿根廷球迷来讲，可谓放下心头大石。另一大热门巴西喺已确定出线嘅姿态下，出战第3场分组赛，佢哋嘅对手将会系喀麦隆。

巴西今届分组赛两场获胜，都可以用轻描淡写来形容。对塞尔维亚嘅赛事，全场压逼下以2球取胜，过程充满说服力；而即使对瑞士嘅比赛要靠卡斯米路喺比赛尾段建功小胜一球，但综观全场赛事，巴西表现依然充满统治力，瑞士偶有反击，但未对佢哋后防造成真正威胁。

喀麦隆自从首败于端士之后，喺对塞尔维亚嘅第2场比赛展现出截然不同嘅精神面貌，一度落后2球之下，最后以3:3逼和对手。尤其是阿布巴卡（Vincent Aboubakar）及祖普莫亭（Eric Choupo-Moting）合作炮制扳平的一球，更凸显到非洲球员嘅爆发力同速度，当然佢哋嘅教练桑治对球队喺落败后嘅调整，亦应记一功。

借之前法国队为鉴，巴西队喺确定出线之下，预计只会派遣副选上阵，而且踢起嚟唔会有包袱，而喀麦隆必须取胜以保最后出线希望，双方对攻起来，应该会制造唔少入球。

球乐

以上内容归星岛新闻集团所有，未经许可不得擅自转载引用。